Purmeiro ancuontro de caderneiros

Nal passado die 22 d'Agosto dal 2008 oucurriu al purmeiro ancuontro de caderneiros (bloggers) dal Praino. L'ancuontro passou-se nal Naso. Ya pula manhana, algo antes dal meio die s'acunchegaban pessonas i outras nal punto d'ancuontro. Uns yeran curjidoso, outros ya bloggers.

Cartaç de l'ancuontro assinado pulos persentes


Quando la barriya ampeçou a rugir, la fame chamando ya an boç alta yeramos purie uns 20, todes an buolta de ua buona mesa, cun quei quemer ! Ou seia buonas puostas de carne Mirandésa. Mas inda hai quien nun ficou mui cuntento purque dezie que nun habie moscas que chegassen para alhumbrar l gusto a la carne...

An buolta de la mesa


L mutibo de isso todo fui claramiente para mos coinecermos. Para dalguns fui la purmeira beç que mos biemos, que falabamos juntos i pur acaso fui mesmo un bun anrequecimiento para nos todos.

Palhestrica cun Amadeu Ferreira

I pur fin tubimos dreito a ua pequeinha palhestra dal nuosso pursor Amadeu Ferreira, dandumos antersantes nuticias de las sues ultimas ambestigaçones.

Bista zdal Naso

Al la fin de la tarde yera la satisfaçon que se pudie ber ne las nuossas caras, al tiempo fui-se bien pronto mas dou pra falar de bastantes cousas. I agora solo mos fiqua a pensar adonde ye que bamos a ourganizar isso pa l'anho.
Mas deiqui alha inda tenemos muito pra cuntar i srebir pur eiqui.
Naso, Lhuç, ou outro sitio, anté lha !